2025 ඉන්දියන් ප්‍රිමියර් ලීග් ක්‍රිකට් තරගාවලියේ සන්රයිසස් හයිද්‍රාබාද් කණ්ඩායමට අඛණ්ඩ තෙවන පරාජයත් උරුමකර ගැනීමට ඊයේ (03) සිදුවුණා.

ඒ කොල්කටා නයිට් රයිඩර්ස් කණ්ඩායමට එරෙහිව පැවති තරගය ලකුණු 80කින් පරාජය පත්වෙමින්.

මෙම තරගයේදී ශ්‍රී ලංකාවේ කමිඳු මෙන්ඩිස් පළමු වරට IPL තරගයක ක්‍රීඩා කිරීමට සමත්වුණා.

ඒ සන්රයිසස් කණ්ඩායම නියෝජනය කරමින්.

ඉන්දියාවේ ඊඩන් ගාර්ඩන්ස් ක්‍රිකට් ක්‍රීඩාංගනයේ පැවති තරගයේ පළමුව පන්දුවට පහරදුන් කොල්කටා කණ්ඩායම නියමිත පන්දුවාර 20 අවසානයේ කඩුලු 6ක් දැවී ලකුණු 200ක දැවැන්ත ලකුණු පුවරුවක් නිර්මාණය කළා.

එහිදී Venkatesh Iyer පන්දු 29කින් ලකුණු 60ක්, Angkrish Raghuvanshi පන්දු 32කින් ලකුණු 50ක්, නායක Ajinkya Rahane ලකුණු 38ක් සහ Rinku Singh පන්දු 17ක් පමණක් වැය කරමින් නොදැවී වේගවත් ලකුණු 32ක් රැස් කිරීමට සමත්වුණා.

පන්දු යැවීමේදී කමිඳු මෙන්ඩිස් එක් පන්දුවාරයක් යොමු කළ අතර එම පන්දුවාරයේදීම සිය කුළුදුල් IPL කඩුල්ල ලබා ගැනීමට ඔහුට හැකියාව ලැබුණා.

පිළිතුරු ඉනිම ක්‍රීඩා කළ සන්රයිසස් කණ්ඩායමට පන්දුවාර 16යි පන්දු 4ක් අවසානයේ සියලුදෙනා දැවී රැස් කර ගැනීමට හැකි වුණේ ලකුණු 120ක් පමණයි.

එහිදී කමිඳු මෙන්ඩිස් පන්දු 20කින් ලකුණු 27ක් රැස් කළා.

(crictimes.lk)