ලංකා ගෘහස්ථ ක්‍රිකට් සංගමය (CICA) 12වන ලෝක කුසලාන තරගාවලිය වන 2025 ගෘහස්ථ ක්‍රිකට් ලෝක කුසලානය පවත්වන බව නිවේදනය කර තිබෙනවා.

2025 ගෘහස්ථ ක්‍රිකට් ලෝක කුසලානය පිරිමි විවෘත, කාන්තා විවෘත, 22න් පහළ පිරිමි සහ 22න් පහළ කාන්තා යන කාණ්ඩ 4 යටතේ ක්‍රියාත්මක වන බවයි වාර්තා වන්නේ.

ඕස්ට්‍රේලියාව, නවසීලන්තය, දකුණු අප්‍රිකාව, ඉන්දියාව, එංගලන්තය, එක්සත් අරාබි එමීර් රාජ්‍යය, සිංගප්පූරුව, ඇමරිකා එක්සත් ජනපදය සහ සත්කාරක ශ්‍රී ලංකාව යන කණ්ඩායම් එහිදී තරග වැදීමට නියමිතයි.

තරගාවලිය 2025 සැප්තැම්බර් 27වනදා සිට ඔක්තෝබර් 05වනදා දක්වා ඔස්ටේෂියා ක්‍රීඩා සංකීර්ණයේ සහ තලවතුගොඩ අලුතින් ඉදිකරන ලද U Pro Arena ක්‍රීඩාංගනයේදී පැවැත්වීමට සැලසුම් කර තිබෙනවා.

(crictimes.lk)