ශ්‍රී ලංකා ක්‍රිකට් ආයතනය 2025–2027 කාලය සඳහා නව නිලධාරී මණ්ඩලයක් පත් කර තිබෙනවා.

ඒ අතරින් සාමාජිකයින් කිහිපදෙනෙක් නිතරගයෙන් තේරී පත්වී ඇති බවයි වාර්තා වන්නේ.

ඒ අනුව ශම්මි සිල්වා ශ්‍රී ලංකා ක්‍රිකට් ආයතනයේ සභාපති ධූරය සඳහා නිතරගයෙන් තේරී පත්වුණා.

එය ඔහුගේ අඛණ්ඩ සිව්වන ධූර කාලය සහ ඔහු නිතරගයෙන් තේරී පත්වූ 3වන අවස්ථාවයි.

2025–2027 කාලය සඳහා පහත සඳහන් නිලධාරී මණ්ඩලය නිතරගයෙන් තේරී පත්වී තිබෙනවා.

සභාපති : ෂම්මි සිල්වා
උප සභාපති : ආචාර්ය ජයන්ත ධර්මදාස
උප සභාපති : රවීන් වික්‍රමරත්න
ලේකම්: බන්දුල දිසානායක
භාණ්ඩාගාරික : සුජීව ගොඩලියද්ද
සහකාර ලේකම් : ක්‍රිෂාන්ත කපුවත්ත
සහකාර භාණ්ඩාගාරික : ලසන්ත වික්‍රමසිංහ

ශ්‍රී ලංකා ක්‍රිකට් නිලවරණය අද (31) විශ්‍රාමික අභියාචනාධිකරණ විනිසුරු මාලනී ගුණරත්නගේ සභාපතිත්වයෙන් යුත් මැතිවරණ කමිටුවේ අධීක්ෂණය යටතේ පවත්වා තිබෙනවා.

ශ්‍රී ලංකා ක්‍රිකට් ආයතනයේ 64වන වාර්ෂික මහා සභා රැස්වීමට සමගාමීව මෙම නිලවරණය පවත්වා ඇති බවයි වාර්තා වන්නේ.

(crictmes.lk)