ශ්‍රී ලංකා ක්‍රිකට් සභාපති ෂම්මි සිල්වා ජාත්‍යන්තර ක්‍රිකට් කවුන්සිලයේ (ICC) කමිටු කිහිපයකට පත් කර තිබෙනවා.

ඒ අද (01) පැවති ICC රැස්වීමකින් අනතුරුවයි.

ඒ අනුව ෂම්මි සිල්වා මානව සම්පත් සහ වේතන කමිටුව, මූල්‍ය සහ වාණිජ කටයුතු කමිටුව සහ නාමයෝජනා කමිටුව යන ICC කමිටු වල සේවය කරන බවයි වාර්තා වන්නේ.

ඔහුගේ පත්වීම් සිදුවන්නේ ඔහු අඛණ්ඩව සිව්වන වරටත් ශ්‍රී ලංකා ක්‍රිකට් ආයතනයේ සභාපති ලෙස තේරී පත්වී දිනකට පසුවයි.

ඔහුගේ නව ධූර කාලය 2027 දක්වා ක්‍රියාත්මක වන බවයි වාර්තා වන්නේ.

ෂම්මි සිල්වා ආසියානු ක්‍රිකට් කවුන්සිලයේ වත්මන් සභාපතිවරයා ලෙසද කටයුතු කරනු ලබනවා.