නැෂනල් සුපර් ලීග් සිව්දින ක්‍රිකට් තරගාවලියේ යාපනය කණ්ඩායම සහ නුවර කණ්ඩායම අතර පැවති තරගය ඊයේ (30) ජය පරාජයෙන් තොරව අවසන් වුණා.

තරගයේ පළමු ඉනිම ක්‍රීඩා කළ යාපනය කණ්ඩායම පන්දුවාර 68යි එක් පන්දුවක් අවසානයේ සියලුදෙනා දැවී ලකුණු 201ක් රැස් කළා.

එහිදී රවිඳු රසාන්ත ලකුණු 97ක් රැස් කිරීමට සමත්වුණා.

අනතුරුව සිය පළමු ඉනිම ක්‍රීඩා කළ නුවර කණ්ඩායම සියලුදෙනා දැවී රැස්කර ගත් ලකුණු සංඛ්‍යාව 332ක්.

යාපනය කණ්ඩායම සිය දෙවන ඉනිමේදී කඩුලු 9ක් දැවී ලකුණු 491ක දැවැන්ත ලකුණු පුවරුවක් රැස් කරගෙන සිටියදී ඉනිම අත්හිටුවීමට තීරණය කළා.

එහිදී රවිඳු රසාන්ත නොදැවී ද්විත්ව ශතකයක් වාර්තා කිරීමට සමත්වුණා.

තරගාවලියේ දින 4 අවසන් වන විට නුවර කණ්ඩායමට කඩුලු 4ක් දැවී රැස් කර ගැනීමට හැකි වුණේ ලකුණු 197ක් පමණයි.

ඒ අනුව මෙම තරගය ජය පරාජයෙන් තොරව අවසන් වුණා.



(crictimes.lk)