බලපිටිය රේවත විද්‍යාලය සහ සිද්ධාර්ථ විද්‍යාලය අතර පැවැත්වෙන 36වන බලපිටිය වීර සටන අද (04) සිද්ධාර්ථ විද්‍යාල ක්‍රීඩාංගණයේදී ආරම්භ වුණා.

එම තරගයේ කාසියේ වාසිය ජයග්‍රහණය කළ රේවත විද්‍යාලය පළමුව පන්දුවට පහරදීමට තීරණය කළා.

ඒ අනුව රේවත විද්‍යාලය සිය පළමු ඉනිම සඳහා සියලුදෙනා දැවී ලකුණු 236ක ලකුණු පුවරුවක් වාර්තා කිරීමට සමත්වුණා.

එහිදී ගිම්හාන් මෙන්ඩිස් ලකුණු 77ක් සහ කළණ මෙන්ඩිස් ලකුණු 38ක් රැස් කළා.

පන්දු යැවීමේදී කවිෂ් චමල්ක ලකුණු 43ට කඩුලු 3ක් බිඳ දැමුවා.

අනතුරුව සිය පළමු ඉනිම ක්‍රීඩා කරන සිද්ධාර්ථ කණ්ඩායම පළමු දිනය සඳහා තරගය නතර කරන විට කඩුලු 7ක් දැවී ලකුණු 134ක් රැස් කරගෙන සිටියා.

ඒ අනුව මේ වන විට රේවත විද්‍යාල පළමු ඉනිමට වඩා සිද්ධාර්ථ විද්‍යාලය ලකුණු 103ක් පිටුපසින් රැඳී සිටිනවා.

තරගයේ අවසන් දිනය හෙට (05) සිද්ධාර්ථ විද්‍යාල ක්‍රීඩාංගණයේදී ආරම්භ වනු ඇති.

(crictimes.lk)