නැෂනල් සුපර් ලීග් සිව්දින ක්‍රිකට් තරගාවලියේ දඹුල්ල කණ්ඩායමට එරෙහිව පැවති තරගය ජයග්‍රහණය කිරීමට ගාල්ල කණ්ඩායම ඊයේ (23) සමත්වුණා.

ඒ ලකුණු 145කින්.

මෙම තරගයේ පළමු ඉනිම ක්‍රීඩා කළ ගාල්ල කණ්ඩායම සියලුදෙනා දැවී ලකුණු 267ක් රැස් කළා.

එහිදී ඕෂද ප්‍රනාන්දු ලකුණු 100ක් ලබාගත් අතර පන්දු යැවීමේදී අකිල ධනංජය ලකුණු 83කට කඩුලු 7ක් බිඳ දැමීමට සමත්වුණා.

ඊට පිළිතුරු ලෙස සිය පළමු ඉනිම ක්‍රීඩා කළ දඹුල්ල කණ්ඩායම සියලුදෙනා දැවී රැස් කරගත් ලකුණු සංඛ්‍යාව 261ක්.

එහිදී ධනංජය ද සිල්වා ලකුණු 106ක් රැස් කළ අතර පන්දු යැවීමේදී මිලාන් රත්නායක ලකුණු ලකුණු 38කට කඩුලු 4ක් බිඳ දැමීමට සමත්වුණා.

ලකුණු 7ක් ඉදිරියෙන් සිටිමින් සිය දෙවන ඉනිම ක්‍රීඩා කළ ගාල්ල කණ්ඩායම ලකුණු 244ක් රැස් කළේ දඹුල්ල කණ්ඩායමට ලකුණු 251ක ඉලක්කයක් ලබාදෙමින්.

එම ඉලක්කය හඹාගිය දඹුල්ල කණ්ඩායමට සිය දෙවන ඉනිමේදී සියලුදෙනා දැවී රැස් කර ගැනීමට හැකි වුණේ ලකුණු 105ක් පමණයි.

එහිදී ගාල්ල කණ්ඩායම වෙනුවෙන් විශිෂ්ට පන්දු යැවීමක නිරත වූ දුනිත් වෙල්ලාලගේ ලකුණු 26ක් පමණක් ප්‍රතිවාදීන්ට ලබා දෙමින් කඩුලු 6ක් බිඳ දැමුවා.