ශ්‍රී ලංකා ක්‍රිකට් කණ්ඩායම තුන් වතාවක් එක්දින ලෝක කුසලාන අවසන් මහා තරගයට සුදුසුකම් ලබාගෙන තිබෙනවා.

එහිදී 1996 වසරේදී අර්ජුන රණතුංගගේ නායකත්වය යටතේ ඔවුන් ලෝක කුසලානය ජයග්‍රහණය කළා.

2007 සහ 2011 ලෝක කුසලාන අවසන් මහා තරගයට සුදුසුකම් ලබාගත් ඔවුන්ට හිමි වුණේ අනුශූරතාවයයි.

2011 ලෝක කුසලානයේ අවසන් පූර්ව වටයේදී නවසීලන්තය කඩුලු 5කින් පරාජය කරමින් ශ්‍රී ලංකාවත් පාකිස්ථානය ලකුණු 29කින් පරාජයට පත් කරමින් ඉන්දීයාවත් අවසන් මහා තරගයට සුදුසුකම් ලබා ගත්තා.

ඒ අනුව 2011 ලෝක කුසලානයේ අවසන් මහා තරගය 2011 අප්‍රේල් 02වනදා ඉන්දීය කණ්ඩායම සහ ශ්‍රී ලංකා කණ්ඩායම අතර පැවැත්වුණා.

කෙසේ වෙතත් එහිදී ඉන්දීය කණ්ඩායම ශ්‍රී ලංකාව කඩුලු 6කින් පරාජයට පත්කළා.

තරගයේ පළමු ඉනිම ක්‍රීඩා කළ ශ්‍රී ලංකා කණ්ඩායම නියමිත පන්දුවාර 50 අවසානයේ කඩුලු 6ක් දැවී ලකුණු 274ක ලකුණු පුවරුවක් නිර්මාණය කිරීමට සමත්වුණා.

එහිදී මහේල ජයවර්ධන නොදැවී ලකුණු 103ක් සහ කුමාර් සංගක්ක්කාර ලකුණු 48ක් රැස් කළා.

පිළිතුරු ඉනිම ක්‍රීඩා කළ ඉන්දීය කණ්ඩායම පන්දුවාර 48යි පන්දු 2ක් අවසානයේ කඩුලු 4ක් දැවී සිටියදී තරගය ජයග්‍රහණය කිරීමට සමත්වුණා.  

එහිදී නොදැවී ලකුණු 91ක් රැස් කළ අතර තරගයේ ජයග්‍රාහී ලකුණ ඔහු හයේ පහරකින් ලබා ගත්තා.

ඒ අනුව ශ්‍රී ලංකා ක්‍රිකට් කණ්ඩායම 2011 ලෝක කුසලානයේ අවසන් මහා තරගය පරාජයට පත්වී අදට (02) වසර 14ක් ගතවී තිබෙනවා.