2025 ඉන්දියන් ප්‍රිමියර් ලීග් (IPL) තරගාවලියේ චෙන්නායි සුපර් කිංග්ස් කණ්ඩායමට එරෙහිව ඊයේ (28) පැවති තරගය ජයග්‍රහණය කිරීමට රෝයල් චැලෙන්ජස් බැන්ගලෝර් කණ්ඩායම සමත්වුණා.

ඒ ලකුණු 50කින්.

මෙම තරගය පැවැත්වුණේ ඉන්දියාවේ චෙන්නායිහීදීයි.

තරගයේ පළමුුව පන්දුවට පහරදුන් බැන්ගලෝර් කණ්ඩායම නියමිත පන්දුවාර 20 අවසානයේ කඩුලු 7ක් දැවී ලකුණු 196ක් රැස් කළා.

එහිදී පන්දු යැවීමේදී ශ්‍රී ලංකා වේග පන්දු යවන ක්‍රීඩක මතීෂ පතිරණ ලකුණු 36කට කඩුලු 2ක් දවා ගත්තා.

පිළිතුරු ඉනිම ක්‍රීඩා කළ චෙන්නායි කණ්ඩායමට නියමිත පන්දුවාර 20 අවසානයේ රැස්කර ගැනීමට හැකි වුණේ කඩුලු 8ක් දැවී ලකුණු 146ක් පමණයි.

IPL ඉතිහාසයේ චෙන්නායි කණ්ඩායමට එරෙහිව චෙන්නායිහීදී බැන්ගලෝර් කණ්ඩායම වසර 18කට පසු තරගයක් ජයග්‍රහණය කළ පළමුු අවස්ථාව ලෙස මෙය වාර්තා අතරට එක්වුණා.

මීට පෙර අවසන්වරට බැන්ගලෝර් කණ්ඩායම විසින් චෙන්නායි කණ්ඩායම චෙන්නායිහීදී පරාජයට පත්කර තිබුණේ 2008 වසරේදීයි.

(crictimes.lk)