ශ්‍රී ලංකාවෙන් බිහිවූ අති විශිෂ්ට ක්‍රිකට් ක්‍රීඩකයන් දෙදෙනෙක් වන මහේල ජයවර්ධන සහ කුමාර් සංගක්කාර එක්දින ක්‍රිකට් පිටියෙන් සමුගෙන අදට (18) වසර 10ක් සම්පූර්ණ වී තිබෙනවා.

ඔවුන් දෙදෙනා 2015 ක්‍රිකට් ලෝක කුසලාන අර්ධ අවසන් පූර්ව තරගයේදී දකුණු අප්‍රිකාවට එරෙහිව ලැබූ පරාජයෙන් පසු එක්දින ක්‍රිකට් පිටියෙන් විශ්‍රාම ගත්තා.

එක්දින තරග 448කට ක්‍රීඩා කරමින් මහේල රැස් කරගෙන තිබෙන ලකුණු සංඛ්‍යාව 12650ක්.

එයට අර්ධ ශතක 77ක් සහ ශතක 19ක් ඇතුළත්.

එමෙන්ම කුමාර් සංගක්කාර එක්දින තරග 404කට ක්‍රීඩා කර තිබෙනවා.

එහිදී ඔහු රැස් කර ඇති ලකුණු සංඛ්‍යාව 14234ක්.

එම ලකුණු අතර ශතක 25ක් සහ අර්ධ ශතක 93ක් ඇතුළත් වී තිබෙනවා.

එමෙන්ම ශ්‍රී ලංකාවෙන් බිහිවූ තවත් දක්ෂ ක්‍රීඩකයෙක් වන අරවින්ද ද සිල්වා සියලුම ජාත්‍යන්තර ක්‍රිකට් ක්‍රීඩාවෙන් විශ්‍රාම ගොස් අදට වසර 22ක් සපිරී තිබෙනවා.

ඔහු 2003 ක්‍රිකට් ලෝක කුසලානයෙන් සියලුම ජාත්‍යන්තර ක්‍රිකට් ක්‍රීඩාවෙන් විශ්‍රාම ගැනීමට තීරණය කළා.

(crictimes.lk)