2025 ආසියානු ලෙජන්ඩ් ලීග් ක්‍රිකට් තරගාවලියේ ශ්‍රී ලංකා ලයන්ස් කණ්ඩායම සහභාගී වූ අර්ධ අවසන් පූර්ව තරගය ඊයේ (15) පැවැත්වුණා.

ඒ Afghanistan Pathans කණ්ඩායමට එරෙහිවයි.

මෙම තරගය ලකුණු 26කින් ජයග්‍රහණය කරමින් ශ්‍රී ලංකා ලයන්ස් තරගාවලියේ අවසන් පූර්ව වටයට සුදුසුකම් ලබා ගැනීමට සමත්වුණා.

තරගයේ පළමුව පන්දුවට පහරදුන් ශ්‍රී ලංකා ලයන්ස් කණ්ඩායම නියමිත පන්දුවාර 20 අවසානයේ කඩුලු 3ක් පමණක් දැවී ලකුණු 230ක දැවැන්ත ලකුණු පුවරුවක් නිර්මාණය කළා.

එහිදී ශ්‍රී ලංකා ලයන්ස් නායක තිසර පෙරේරා පන්ද්දු 36කින් නොදැවී ලකුණු 108ක් රැස් කිරීමට සමත්වුණා.

තරගයේ අවසන් පන්දුවාරයට තිසර හයේ පහර 6ක් එල්ල කිරීම විශේෂත්වයක්.

ඒ අනුව තරගයේ පළමු ඉනිමේ අවසන් පන්දුවාරයේදී වයිඩ් පන්දු 3ක්ද සමඟින් ලකුණු 39ක් ශ්‍රී ලංකා ලෙජන්ඩ් කණ්ඩායම ලබා ගත්තා.

පිළිතුරු ඉනිම ක්‍රීඩා කළ Afghanistan Pathans කණ්ඩායමට නියමිත පන්දුවාර 20 අවසානයේ කඩුලු 7ක් දැවී රැස් කර ගැනීමට හැකි වුණේ ලකුණු 204ක් පමණයි.

ඒ අනුව ශ්‍රී ලංකා ලෙජන්ඩ් කණ්ඩායම තරගාවලියේ දෙවන අවසන් පූර්ව වටයට ක්‍රීඩා කිරීමට සුදුසුකම් ලබා ගත්තා.

(crictimes.lk)