ශ්‍රී ලංකා ක්‍රිකට් කණ්ඩායම එක්දින ලෝක කුසලානය ජයග්‍රහණය කර අදට (17) වසර 29ක් සපිරී තිබෙනවා.

ඔවුන් එක්දින ලෝක කුසලානය ජයග්‍රහණය කළේ අර්ජුන රනතුංගගේ නායකත්වය යටතේ 1996 වසරේ අද වැනි දිනකයි.

ඒ පාකිස්ථානයේ පැවති එම ලෝක කුසලානයේ අවසන් මහා තරගයේදී ප්‍රබල ඕස්ට්‍රේලියා කණ්ඩායම කඩුලු 7කින් පරාජය කරමින්.

එම තරගයේ පළමුුව පන්දුවට පහරදුන් ඕස්ට්‍රේලියා කණ්ඩාටම නියමිත පන්දුවාර 50 අවසානයේ කඩුලු 7ක් දැවී ලකුණු 241ක් රැස් කළා.

පිළිතුරු ඉනිම ක්‍රීඩා කළ ශ්‍රී ලංකා කණ්ඩායමෙර් පළමුු කඩුලු 2 ලකුණු 23ක් තුළදී බිඳ වැටුණා.

කෙසේ වෙතත් පිටියේ ස්ථාවර වූ අරවින්ද ද සිල්වා ශ්‍රී ලංකාව ජයග්‍රාහී ඉලක්කයට ගෙන යාමට සමත්වුණා.

තරගයේ ජයග්‍රාහී ලකුණ ලෙස නායක අර්ජුන රනතුංග හතරේ පහරක් එල්ල කළා.  

ඒ අනුව අරවින්ද නොදැවී ලකුණු 107ක් සහ අර්ජුන නොදැවී ලකුණු 47ක් රැස් කිරීමට සමත්වුණා.

තරගයේ වීරයා ලෙස අරවින්ද සම්මානයෙන් පිදුම් ලැබුවා.

මෙම ලෝක කුසලානය ජයග්‍රහණය කර අදට වසර 29ක් ගත වුවත් මෙතෙක් එක්දින ලෝක කුසලානයක් ජයග්‍රහණය කිරීමට ශ්‍රී ලංකාවට නොහැකි වුණා.

ඔවුන් 2011 එක්දින ලෝක කුසලානයේ අවසන් මහා තරගයට සුදුසුකම් ලබා ගත්තද එහිදී ඉන්දියාවට එරෙහිව ඔවුන් පරාජ වුණා.

(crictimes.lk)