2025 ඉන්දියන් ප්‍රිමියර් ලීග් තරගාවලියේ සමාරම්භ තරගය ඊයේ (22) රෝයල් චැලෙන්ජස් බැංගලෝර් කණ්ඩායම සහ කොල්කටා නයිඩ් රයිඩර්ස් කණ්ඩායම අතර පැවැත්වුණා.

එහිදී රෝයල් චැලෙන්ජස් බැංගලෝර් කණ්ඩායම එම තරගය කඩුලු 7කින් ජයග්‍රහණය කළා.

තරගයේ පළමු ඉනිම් ක්‍රීඩා කළ කොල්කටා කණ්ඩායම නියමිත පන්දුවාර 20 අවසානයේ කඩුලු 8ක් දැවී රැස් කරගත් ලකුණු සංඛ්‍යාව 174ක්.

නායක Ajinkya Rahane ලකුණු 56ක් සහ Sunil Narine ලකුණු 44ක් රැස් කළා.

පිළිතුරු ඉනිම ක්‍රීඩා කළ බැංගලෝර් කණ්ඩායම පන්දුවාර 16යි පන්දු 2ක් අවසානයේ කඩුලු 3ක් පමණක් දැවී සිටියදී ජයග්‍රාහී ඉලක්කය පසු කිරීමට සමත්වුණා.

එහිදී විරාත් කෝලි නොදැවී ලකුණු 59ක් සහ Phil Salt ලකුණු 56ක් රැස් කළා.

(crictimes.lk)