2025 IPL තරගාවලියේ පළමු තරග තුන සඳහා රාජස්ථාන් රෝයල්ස් කණ්ඩායමේ නායකයා ලෙස රියාන් පරාග් පත් කර තිබෙනවා.

එම කණ්ඩායමේ නිත්‍ය නායක සංජු සැම්සන් එම තරගවලදී පිතිකරුවෙක් ලෙස පමණක් ක්‍රීඩා කරන අතර ඔහු සම්පූර්ණයෙන්ම යෝග්‍ය වූ පසු නැවත නායකයා ලෙස කටයුතු කරන බවයි වාර්තා වන්නේ.

ඒ අනුව පරාග් ඊයේ (23) රාජස්ථාන් කණ්ඩායම ක්‍රීඩා කළ පළමු තරගයේදී නායකයා ලෙස කටයුතු කළා.

ඔහු වාර්තා අතරට එක්වුණේ IPL ඉතිහාසයේ කණ්ඩායම් මායකත්වය දැරූ 4වන ලාබාලතම ක්‍රීඩකයා ලෙසයි.

ඒ වන විට ඔහුගේ වයස අවුරුදු 23යි දින 133ක්.

අඩුම වයසක් තුළදී IPL තරගාවලියක කණ්ඩායම් නායකත්වයක් දරා තිබෙන්නේ විරාත් කෝලි විසින්.

ඒ වයස අවුරුදු 22යි දින 187ක් වන විටයි.



(crictimes.lk)