සල්මන්ගේ අලි අගාගේ නායකත්වයෙන් යුත් සංචාරක පාකිස්ථාන කණ්ඩායමට එරෙහිව පැවති දෙවන T20 තරගයත් ජයග්‍රහණය කිරීමට නවසීලන්ත කණ්ඩායම අද (18) සමත්වුණා.

ඒ කඩුලු 5කින්.

මෙම තරගයේ එක් ඉනිමක් පන්දුවාර 15කට සීමා වූ අතර කාසියේ වාසිය ජයග්‍රහණය කළ නවසීලන්තය පළමුව පන්දුවට පහරදීමට තීරණය කළා.

ඒ අනුව තරගයේ පළමු ඉනිම ක්‍රීඩා කිරීමට පිටියට පිවිසි සංචාරක පාකිස්ථාන කණ්ඩායමට නියමිත පන්දුවාර 15 අවසානයේ කඩුලු 9ක් දැවී රැස් කර ගැනීමට හැකි වුණේ ලකුණු 135ක් පමණයි.  

පිළිතුරු ඉනිම ක්‍රීඩා කළ නවසීලන්තය පන්දුවාර 13යි එක් පන්දුවක් පමණක් වැය කරමින් කඩුලු 5ක් දැවී සිටියදී තරගය ජයග්‍රහණය කළා.

දෙරට අතර පැවති පළමු තරගයද පාකිස්තාන කණ්ඩායම පරාජයට පත්වුණා.

ඒ අනුව තරග 5කින් සමන්විත T20 තරගාවලිය මේ වන විට තරග 2 - 0ක් ලෙස සත්කාරක නවසීලන්තය පෙරමුණ හිමි කරගෙන තිබෙනවා.

(crictimes.lk)