එක්දින ක්‍රිකට් ඉතිහාසයේ අඛණ්ඩව කාසියේ වාසිය පරාජයට පත් වූ නායකයත් අතර සමතැන් ලබා ගැනීමට ඉන්දීය නායක රෝහිත් ශර්මාට ඊයේ (09) සිදුවුණා.

ඒ 2025 ශූරයන්ගේ කුසලානයේ නවසීලන්තයට එරෙහිව පැවති අවසන් මහා තරගයේදී කාසියේ වාසිය පරාජයට පත්වීමත් සමඟයි.

ඒ අනුව ඔහු මේ වන විට අඛණ්ඩව එක්දින තරගවලදී 12වතාවක් කාසියේ වාසිය පරාජයට පත්වී තිබෙනවා.

එමෙන්ම කොදෙව්හි බ්‍රයන් ලාරා ද අවස්ථා 12කදී එක්දින තරගවලදී අඛණ්ඩව කාසියේ වාසිය පරාජයට පත්වුණා.

රෝහිත් ඉදිරියේදී පැවැත්වෙන එක්දින තරගයේදී කාසියේ වාසිය පරාජයට පත් වුවහොත් මෙම අවාසනාවන්ත වාර්තාව ඔහුගේ නම ඉදිරියේ ලියවෙනවා.