2025 ආසියානු ලෙජන්ඩ් ලීග් ක්‍රිකට් තරගාවලියේ Afghanistan Pathans කණ්ඩායමට එරෙහිව පැවති තරගය ජයග්‍රහණය කිරීමට ශ්‍රී ලංකා ලයන්ස් කණ්ඩායම ඊයේ (12) සමත්වුණා.

ඒ ලකුණු 13කින්.

තරගයේ පළමුව පන්දුවට පහර දුන් ශ්‍රී ලංකා ලයන්ස් කණ්ඩායම නියමිත පන්දුවාර 20 අවසානයේ කඩුලු 9ක් දැවී ලකුණු 169ක් රැස් කළා.

එහිදී රවීන් සේයර් ලකුණු 36ක් සහ ලියෝ ෆ්‍රැන්සිස්කෝ ලකුණු 31ක් රැස් කිරීමට සමත්වුණා.

පිළිතුරු ඉනිම ක්‍රීඩා කළ Afghanistan Pathans කණ්ඩායමට පන්දුවාර 19යි එක පන්දුවක් අවසානයේ සියලුදෙනා දැවී රැස් කර ගැනීමට හැකි වුණේ ලකුණු 156ක් පමණයි.

(crictimes.lk)