නැෂනල් සුපර් ලීග් සිව්දින ක්‍රිකට් තරගාවලියේ කොළඹ කණ්ඩායමට සහ නුවර කණ්ඩායම අතර පැවති තරගය ජය පරාජයෙන් තොරව අවසන් වී තිබෙනවා.
 
මෙම තරගයේ පළමු ඉනිම ක්‍රීඩා කළ නුවර කණ්ඩායම ලකුණු 460ක ලකුණු පුවරුවක් නිර්මාණය කළා.

එහිදී කමිල් මිෂාර ලකුණු 172ක් රැස් කිරීමට සමත් වූ අතර පන්දු යැවීමේදී නිශාන් පීරිස් කඩුලු 3ක් බිඳ දැමුවා.

ඊට පිළිතුරු ලෙස සිය පළමු ඉනිම ක්‍රීඩා කළ කොළඹ කණ්ඩායම සියලුදෙනා දැවී රැස් කර ගනීමට හැකි වුණේ ලකුණු 106ක් පමණයි.

සිය දෙවන ඉනිම ක්‍රීඩා කළ නුවර කණ්ඩායම කඩුලු 3ක් දැවී ලකුණු 244ක් රැස් කරගෙන සිටියදී ඉනිම අත්හිටවූයේ තරගයේ ජයග්‍රහණය වෙනුවෙන් කොළඹ කණ්ඩායමට ලකුණු 698ක ඉලක්කයක් ලබාදෙමින්.

එම ඉලක්කය හඹාගිය දඹුල්ල කණ්ඩායමට තරගයේ දින 4 අවසානයේ සිය දෙවන ඉනිමේදී කඩුලු 7ක් දැවී රැස් කර ගැනීමට හැකි වුණේ ලකුණු 313ක් පමණයි.

ඒ අනුව මෙම තරගය ජය පරාජයෙන් තොරව නිමාවට පත්වුණා.



(crictimes.lk)