2025 ඉන්දියන් ප්‍රිමියර් ලීග් තරගාවලියේ චෙන්නායි සුපර් කිංග්ස් සහ රෝයල් චැලෙන්ජස් බැංගලෝර් අතර තරගය අද (28) පැවැත්වෙනවා.

මෙහිදී ශ්‍රී ලංකා වේග පන්දු යවන ක්‍රීඩක මතීෂ පතිරණ චෙන්නායි කණ්ඩායම වෙනුවෙන් ක්‍රීඩා නොකරන බව එම කණ්ඩායමේ ප්‍රධාන පුහුණුකරු ස්ටීවන් ෆ්ලෙමින් ඊයේ (27) තහවුරු කළා.

ඒ ඔහුට සිදුව ඇති  ආබාධ තත්ත්වයෙන් තවමත් සුවය ලබමින් සිටීම හේතුවෙන්.

2025 ඉන්දීය ප්‍රිමියර් ලීග් තරගාවලියේ චෙන්නායි සුපර් කිංග්ස් සහ මුම්බායි ඉන්දියන්ස් අතර තරගයටද මතීෂට ක්‍රීඩා කිරීමට නොහැකි වුණා.

ප්‍රධාන පුහුණුකරු වැඩිදුරටත් කියා සිටියේ ඉදිරියේදී මතීෂ පතිරණට චෙන්නායි කණ්ඩායම වෙනුවෙන් ක්‍රීඩා කිරීමට හැකිවනු ඇතැයි තමන් විශ්වාස කරන බවයි.

(crictimes.lk)