2025 ආසියානු ලෙජන්ඩ් ලීග් ක්‍රිකට් තරගාවලියේ අවසන්  සුදුසුකම් ලබා ගැනීමට Indian Royals කණ්ඩායම ඊයේ (18) සමත්වුණා.

ඒ තරගාවලියේ දෙවන අවසන් පූර්ව තරගයේදී තිසරගේ නායකත්වයෙන් යුත් Sri Lankan Lions කණ්ඩායම ලකුණු 12කින් පරාජය කරමින්.

මෙම තරගයේ පළමුව පන්දුවට පහර දුන් Indian Royals කණ්ඩායම නියමිත පන්දුවාර 20 අවසානයේ කඩුලු 7ක් දැවී ලකුණු 148ක් රැස් කළා.

කෙසේ වෙතත් පිළිතුරු ඉනිම ක්‍රීඩා කළ Sri Lankan Lions කණ්ඩායමට නියමිත පන්දුවාර 20 අවසානයේ සියලුදෙනා දැවී ලකුණු 136ක් පමණයි.

එහිදී විශිෂ්ට ඉනිම ක්‍රීඩා කිරීමට හිටපු ක්‍රිකට් නායක තිලකරත්න ඩිල්ෂාන් සමත්වුණා.

ඒ අනුව ඔහු පන්දු 50ක් පමණක් වැය කරමින් රැස් කළ ලකුණු සංඛ්‍යාව 69ක්.

මේ සමඟ Sri Lankan Lions කණ්ඩායමට 2025 ආසියානු ලෙජන්ඩ් ලීග් ක්‍රිකට් තරගාවලියේ අවසන් මහා තරගයට සුදුසුකම් ලබා ගැනීමට නොහැකි වුණා.

(crictimes.lk)