2025 ඉන්දියන් ප්‍රිමියර් ලීග් තරගාවලියේ ඊයේ (26) පැවති තරගයෙන් කඩුලු 8ක ජයක් වාර්තා කිරීමට කොල්කටා නයිට් රයිඩර්ස් කණ්ඩායම සමත්වුණා.

ඒ රාජස්ථාන් රෝයල්ස් කණ්ඩායමට එරෙහිවයි.

මෙම තරගයට ශ්‍රී ලංකාවේ ක්‍රීඩකයන් වන වනිඳු හසරංග සහ මහීෂ් තීක්ෂණ රාජස්ථාන් කණ්ඩායම නියෝජනය කරමින් සහභාගී වුණා.

ඉන්දියාවේ Guwahatiහී පැවති තරගයේ පළමු ඉනිම ක්‍රීඩා කළ රාජස්ථාන් කණ්ඩායම නියමිත පන්දුවාර 20 අවසානයේ කඩුලු 9ක් දැවී ලකුණු 151ක් රැස් කළා.

කෙසේ වෙතත් එහිදී වනිඳු හසරංගට රැස් කර ගැනීමට හැකිවුණේ ලකුණු 4ක් පමණයි.

පිළිතුරු ඉනිම ක්‍රීඩා කළ කොල්කටා කණ්ඩායමට නියමිත පන්දුවාර පන්දුවාර 17යි පන්දු 3ක් අවසනයේ කඩුලු 2ක් පමණක් තරගය ජයග්‍රහණය කළා.

එහිදී Quinton de Kock නොදැවී ලකුණු 97ක් රැස් කිරීමට සමත්වුණා.

පන්දු යැවීමේදී මහීෂ් තීක්ෂණ සිය පන්දුවාර 4 තුළදී ප්‍රතිවාදීන්ට ලකුණු 32ක් ලබාදුන් අතර වනිඳු යොමු කළ පන්දුවාර 3 තුළදී ලකුණු 34ක් ප්‍රතිවාදීන්ට ලබාදෙමින් ඔහු එක් කඩුල්ලක් බිඳ දැමුවා.

(crictimes.lk)