2025 ආසියානු ලෙජන්ඩ්ස් ලීගේ ක්‍රිකට් තරගාවලිය ඊයේ (10) ආරම්භ වුණා.

කණ්ඩායම් 5ක් තරගවදින මෙම තරගාවලියට අවසන් මහා තරගයද ඇතුළුව තරග 15ක් ඇතුළත්.

මෙහිදී Sri Lankan Lions කණ්ඩායමේ නායකත්වය ශ්‍රී ලංකා හිටපු ක්‍රිකට් නායක තිසර පෙරේරා හට හිමිවී තිබෙනවා.

මෙම තරගාවලියේදී Sri Lankan Lions කණ්ඩායමේ සංචිතය පහතින්,

Sri Lankan Lions: චාමර සිල්වා, උපුල් තරංග, චාමර කපුගෙදර, අශාන් ප්‍රියන්ජන, දිලකරත්න ඩිල්ශාන්, මිලින්ද සිරිවර්ධන, චතුරංග ද සිල්වා, අසේල ගුණරත්න, දනුෂ්ක ගුණතිලක, ඇන්ජලෝ පෙරේරා, තිසර පෙරේරා, ඉසුරු උදාන, මලින්ද පුෂ්පකුමාර, ජීවන් මෙන්ඩිස්, නුවන් ප්‍රදීප්, තිලාන් තුෂාර  
 
එමෙන්ම Asian Stars කණ්ඩායමද ශ්‍රී ලංකාවේ ක්‍රීඩකයන් කිහිපදෙනක් ක්‍රීඩා කරනවා.

ඒ අනුව එම සංචිතයට දිල්ශාන් මුණවීර ලහිරු තිරිමාන්න, ෂෙහාන් ජයසූරිය, සීකුගේ ප්‍රසන්න යන ක්‍රීඩකයන් ඇතුළත් වී ඇති බවයි වාර්තා වන්නේ.

තරගාවලියේ Sri Lankan Lions කණ්ඩායම ක්‍රීඩා කරන පළමු තරගය අද (11) පැවැත්වෙනවා.

ඒ Indian Royals කණ්ඩායමට එරෙහිව පැවැත්වෙන මෙම තරගය රාත්‍රී 7.00ට ආරම්භ වීමට නියමිතයි.

තරගාවලියේ සම්පූර්ණ තරග කාලසටහන පහතින්,



(crictimes.lk)