2025 ඉන්ටර්නැෂනල් මාස්ටර් ලීග් ක්‍රිකට් තරගාවලියේ ශ්‍රී ලංකා කණ්ඩායමට සහභාගී වූ දෙවන තරගය ඊයේ (28) පැවැත්වුණා.

ඒ ප්‍රබල ඕස්ට්‍රේලියා මාස්ටර් කණ්ඩායමට එරෙහිවයි.

මෙම තරගයේ පළමුව පන්දුවට පහර දුන් ඕස්ට්‍රේලියා කණ්ඩායම නියමිත පන්දුවාර 20 අවසානයේ කඩුලු 4ක් දැවී ලකුණු 217ක දැවැන්ත ලකුණු පුවරුක් නිර්මාණය කළා.

පිළිතුරු ඉනිම ක්‍රීඩා කළ ශ්‍රී ලංකා කණ්ඩායම පන්දුවාර 19යි පන්දු 2ක් පමණක් වැය කරමින් කඩුලු 7ක් දැවී ලකුනු 222ක් ලබා තරගය ජයග්‍රහණය කිරීමට සමත් වුණා.

එහිදී විශිෂ්ට ඉනිමක් ක්‍රීඩා ක්‍රීඩා කළ උපුල් තරංග පන්දු 54කින් ලකුණු 102ක් රැස්කළා.

එමෙන්ම ලහිරු තිරිමාන්න පන්දු 34ක් පමණක් වැය කරමින් රැස් කළ ලකුණු සංඛ්‍යාව 53ක්.

මෙම ජයග්‍රහණය සම්ඟින් තරගාවලියේ ප්‍රසාද ලකුණු සටහනේ දෙවන ස්ථානය දක්වා ඉදිරියට පැමිණීමට ශ්‍රී ලංකා කණ්ඩායම සමත් වීී තිබෙනවා.



(crictimes.lk)