2025 ඉන්දියන් ප්‍රිමියර් ලීග් ක්‍රිකට් තරගාවලිය ලබන 22වනදා ආරම්භවීමට නියමිතව තිබෙනවා.

කණ්ඩායම් 10ක සහභාගීත්වයෙන් පැවැත්වෙන මෙම තරගාවලිය හැඳින්වෙන්නේ ලොව දනවත්ම ක්‍රිකට් ලීගය ලෙසයි.

මේ සඳහා ශ්‍රී ලංකා ක්‍රීඩකයන් 8දෙනෙක් ක්‍රීඩා කිරීමට නියමිතව තිබෙනවා.

ඒ අනුව IPL තරගාවලියේ ක්‍රීඩක වෙන්දේසියේදී ශ්‍රී ලංකා ක්‍රීඩකයන් 7දෙනෙක් එහි කණ්ඩායම් විසින් මිලදී ගත අතර වසර 2ක IPL තහනමකට ලක්වූ හැරී වෙනුවට දසුන්ව දිල්ලි කණ්ඩායම මෙවර තරගාවලියට එක්කර ගෙන ඇති බවයි වාර්තා වන්නේ.

මෙවර IPL තරගාවලියේදී දුෂ්මන්ත චමීර දිල්ලි කැපිටල්ස් කණ්ඩායම සමඟ ක්‍රීඩා කිරීමට නියමිතයි.

එමෙන්ම මතීෂ පතිරණ චෙන්නායි සුපර් කිංග්ස් කණ්ඩායම සමඟින් සහ නුවන් තුෂාර රෝයල් චලෙන්ජස් බැංගලෝර් කණ්ඩායම සමඟින් ක්‍රීඩා කිරීමට නියමිතව තිබෙනවා.

මේ අතර එෂාන් මාලිංග සහ කමිඳු මෙන්ඩිස් සංරයිසස් හයිද්‍රාබෑඩ් කණ්ඩායම් විසින් සිය කණ්ඩායම් සංචිතයට එක්කර ගත්තා.

ලොව ප්‍රබල දඟ පන්දු යවන්නන් දෙදෙනෙක් වන මහීෂ් තීක්ෂණ සහ වනිඳු හසරංග රාජස්ථාන් රෝයල්ස් කණ්ඩායම සමඟින් එක්වී තිබෙනවා.

 
(crictimes.lk)