2025 ඉන්ටර්නැෂනල් මාස්ටර් ලීග් තරගාවලියේ ශ්‍රී ලංකා කණ්ඩායම ක්‍රීඩා කළ දෙවන තරගය ඊයේ (26) පැවැත්වුණා.

ඒ දකුණු අප්‍රිකා කණ්ඩායමට එරෙහිවයි.

මෙම තරගයේ පළමුව පන්දුවට පහරදුන් දකුණු අප්‍රිකා කණ්ඩායම නියමිත පන්දුවාර 20 අවසානයේ කඩුලු 6ක් දැවී ලකුණු 180ක දැවැන්ත ලකුණු පුවරුවක් නිර්මාණය කළා.

එහිදී Hashim Amla ලකුණු ලකුණු 76ක් රැස් කිරීමට සමත්වුණා.

පන්දු යැවීමේදී චතුරංග ද සිල්වා ලකුණු 28කට කඩුලු 2ක් සහ ඉසුරු උදාන ලකුණු 44කට කඩුලු 2ක් බිඳ දැමුවා.

ඒ අනුව පිළිතුරු ඉනිම ක්‍රීඩා කළ ශ්‍රී ලංකා මාස්ටර් කණ්ඩායම පන්දුවාර 17යි පන්දු 2ක් අවසානයේ කඩුලු 3ක් පමණක් දැවී තරගයේ ජය වාර්තා කළා.

එහිදී විශිෂ්ට ඉනිම් ක්‍රීඩා කළ අසේල ගුණරත්න පන්දු 33කින් නොදැවී ලකුණු 59ක් සහ චින්තක ජයසිංහ පන්දු 25කින් නොදැවී ලකුණු 51ක් රැස් කිරීමට සමත් වුණා.



(crictimes.lk)