2025 ඉන්ටර්නැෂනල් මාස්ටර් ලීග් තරගාවලියේ 20වන තරගය ඊයේ (06) බටහිර ඉන්දීය කොදෙව් කණ්ඩායම සහ ශ්‍රී ලංකා කණ්ඩායම අතර පැවැත්වුණා.

ඒ ඉන්දියාවේ Vadodaraහීදීයි.

මෙම තරගයේ පළමු ඉනිම ක්‍රීඩා කල ශ්‍රී ලංකා මාස්ටර් කණ්ඩායම නියමිත පන්දුවාර 20 අවසානයේ කඩුලු 9ක් දැවී ලකුණු 173ක් රැස් කළා.

එහිදී ගුණරත්න ලකුණු 64ක් සහ කුමාර් සංගක්කාර ලකුණු 47ක් රැස් කිරීමට සමත්වුණා.



පිළිතුරු ඉනිම ක්‍රීඩා කළ කොදෙව් මාස්ටර් කණ්ඩායමට නියමිත පන්දුවාර 20 අවසානයේ කඩුලු 5ක් දැවි රැස් කර ගැනීමට හැකි වුණේ ලකුණු 152ක් පමණයි.

පන්දු යැවීමේදී ඉසුරු උදාන සිය පන්දුවාර 4 ලකුණු 15කට සීමා කරමින් කඩුලු 2ක් දවා ගත්තා.



ඒ අනුව මෙම තරගය ජයග්‍රහණය කළ ශ්‍රී ලංකා කණ්ඩායමට මෙවර මාස්ටර් ලීග් තරගාවලියේ අවසන් පූර්ව වටයට සුදුසුකම් ලබා ගැනීමට ඇති අවස්ථාවද ඉහළ ගොස් තිබෙනවා.



(crictimes.lk)