2025 ඉන්ටර්නැෂනල් මාස්ටර් ලීග් ක්‍රිකට් තරගාවලියේ මූලික වටයේ ශ්‍රී ලංකාව ක්‍රීඩා කළ අවසන් තරගය ඊයේ (10) එංගලන්ත කණ්ඩායමට එරෙහිව පැවැත්වුණා.  

එහිදී ශ්‍රී ලංකා මාස්ටර් කණ්ඩායම කඩුලු 9ක දැවැන්ත ජයග්‍රහණයක් වාර්තා කළා.

තරගයේ පළමුව පන්දුවට පහරදුන් එංගලන්ත කණ්ඩායමට නියමිත පන්දුවාර 20 අවසානයේ කඩුලු 5ක් දැවී රැස් කර ගැනීමට හැකි වුණේ ලකුණු 146ක් පමණයි.

පිළිතුරු ඉනිම ක්‍රීඩා කළ ශ්‍රී ලංකා කණ්ඩායම පන්දුවාර 12යි පන්දු 5ක් පමණක් වැය කරමින් එක් කඩුල්ලක් දැවී සිටියදී තරගය ජයග්‍රහණය කළා.

එහිදී විශිෂ්ට ඉනිමක් ක්‍රීඩා කළ කුමාර් සංගක්කාර නොදැවී පන්දු 47කින් ලකුණු 106ක් රැස් කිරීමට සමත්වුණා.

මෙම ජයග්‍රහණයත් සමඟින් ශ්‍රී ලංකා කණ්ඩායම 2025 ඉන්ටර්නැෂනල් මාස්ටර් ලීග් ක්‍රිකට් තරගාවලියේ ප්‍රසාද ලකුණු සටහනේ පෙරමුණ හිමි කරගත්තා.



(crictimes.lk)