2025 ඉන්දියන් ප්‍රිමියර් ලීග් තරගාවලියේ 3වන තරගය ඊයේ (23) රාත්‍රියේදී චෙන්නායි සුපර් කිංග්ස් කණ්ඩායම සහ මුම්බායි ඉන්දියන්ස් කණ්ඩායම අතර පැවැත්වුණා.

ඒ ඉන්දියාවේ Chennaiහීදීයි.

තරගයේ පළමුව පන්දුවට පහරදුන් මුම්බායි කණ්ඩායම නියමිත පන්දුවාර 20 අවසානයේ කඩුලු 9ක් දැවී ලකුණු 155ක් රැස් කළා.

එහිදී Tilak Varma ලකුණු 31ක්, Suryakumar Yadav ලකුණු 29ක් සහ Deepak Chahar ලකුණු 28ක් රැස් කිරීමට සමත්වුණා.

පන්දු යැවීමේදී ඇෆ්ගනිස්ථානයේ යොවුන් ක්‍රීඩක නූර් අහමඩ් චෙන්නායි කණ්ඩායම වෙනුවෙන් සිය පන්දුවාර 4 ලකුණු 18කට සීමා කරමින් කඩුලු 4ක් බිඳ දැමුවා.

පිළිතුරු ඉනිම ක්‍රීඩා කළ චෙන්නායි කණ්ඩායම පන්දුවාර 19යි එක් පන්දුවක් අවසානයේ කඩුලු 6ක් පමණක් දැවී ජයග්‍රාහී ඉලක්කය පසු කිරීමට සමත්වුණා.

එහිදී Rachin Ravindra නොදැවී ලකුණු 65ක් සහ Ruturaj Gaikwad ලකුණු 53ක් රැස් කළා.