05 April 2025


IML 2025 | අවසන් පූර්ව වටයේදී සිංහයන්ට හමුවන ප්‍රතිවාදීන්



2025 ඉන්ටර්නැෂනල් මාස්ටර් ලීග් ක්‍රිකට් තරගාවලියේ පළමු අවසන් පූර්ව තරගය අද (13) ඉන්දීය කණ්ඩායම සහ ඕස්ට්‍රේලියා කණ්ඩායම අතර පැවැත්වෙනවා.

ඉන්දියාවේ Raipurහීදී පැවැත්වෙන මෙම තරගය මෙරට වේලාවෙන් පස්වරු 7.30ට ආරම්භ වීමට නියමිතයි.

තරගාවලියේ දෙවන අවසන් පූර්ව තරගය හෙට (14) පැවැත්වීමට නියමිතව තිබෙනවා.

ඒ ඉන්ටර්නැෂනල් මාස්ටර් ලීග් ක්‍රිකට් තරගාවලියේ මූලික වටයේදී ප්‍රසාද ලකුණු සටහනේ පෙරමුණ හිමි කරගත් ශ්‍රී ලංකාව සහ සිව්වන ස්ථානය හිමි කරගත් කොදෙව් කණ්ඩායම අතරයි.

පළමු අවසන් පූර්ව වටයෙන් ජයග්‍රහණය කරන කණ්ඩායම සහ දෙවන අවසන් පූර්ව තරගයෙන් ජයග්‍රහණය කරන කණ්ඩායම තරගවලියේ අවසන් මගා තරගයට සුදුසුකම් ලබා ගන්නවා.

2025 ඉන්ටර්නැෂනල් මාස්ටර් ලීග් ක්‍රිකට් තරගාවලියේ අවසන් මහා තරගය ලබන 16වනදා පැවැත්වීමට නියමිත බවයි වාර්තා වන්නේ.

(crictimes.lk)