සංචාරක එංගලන්ත කණ්ඩායමට එරෙහිව පැවති අවසන් T20 තරගය ලකුණු 150කින් ජයග්‍රහණය කිරීමට සත්කාරක ඉන්දීය කණ්ඩායම සමත්වුණා. 

තරගයේ පළමු ඉනිම ක්‍රීඩා කළ ඉන්දීය කණ්ඩායම නියමිත පන්දුවාර 20 අවසානයේ කඩුලු 9ක් දැවී ලකුණු 247ක් රැස් කළා.

ඉන්දියාව වෙනුවෙන් සුපිරි ඉනිමක් ක්‍රීඩා කළ අභිෂේක් ශර්මා පන්දු 54කින් ලකුණු 135ක් රැස් කිරීමට සමත්වුණා.  

එහිදී ඔහු සිය ශතකය සම්පූර්ණ කිරීම සඳහා වැය කළේ පන්දු 37ක් පමණයි.

ඒ අනුව ඔහු වාර්තා අතරට එක් වුණේ ඉන්දියාව වෙනුවෙන් වේගවත්ම T20 ශතකය වාර්තා කළ 2වන ඉන්දීය පිතිකරු ලෙසයි.

පිළිතුරු ඉනිම ක්‍රීඩා කළ එංගලන්ත කණ්ඩායමට පන්දුවාර 10යි පන්දු 3ක් අවසානයේ සියලුදෙනා දැවී රැස් කර ගැනීමට හැකි වුණේ ලකුණු 97ක් පමණයි.

ඒ අනුව මෙම තරගය ලකුණු 150කින් පරාජයට පත්වීමට එංගලන්ත කණ්ඩායම සිදුවුණා.

මෙම පරාජය වාර්තා අතරට එක් වුණේ T20 තරගයක ඉන්දියාව හමුවේ එංගලන්තට හිමි වූ දැවැන්තම පරාජය ලෙසයි.

ඒ අනුව මෙම තරගය ලකුණු 150කින් ජයග්‍රහණය කළ ඉන්දීය කණ්ඩායම තරග 5කින් සමන්විත තරගාවලිය තරග 4 - 1ක් ලෙස ජයග්‍රහණය කළා.



(crictimes.lk)