2025 ශූරයන්ගේ කුසලාන තරගාවලියේ බංගලාදේශ කණ්ඩායම සහ පාකිස්ථාන කණ්ඩායම අතර තරගය අද (27) පැවැත්වෙනවා.

ඒ පාකිස්ථානයේ රාවලපින්ඩි ක්‍රිකට් ක්‍රීඩාංගනයේදීයි.

මෙවර ශූරයන්ගේ කුසලාන තරගාවලියෙන් මේ වන විට මෙම කණ්ඩායම් 2ම මූලික වටයෙන් ඉවතට විසිවී අවසන්.

අද පැවැත්වෙන තරගය වාර්තා වන්නේ ශූරයන්ගේ කුසලාන ඉතිහාසයේ පාකිස්ථානය සහ බංගලාදේශය අතර පැවැත්වෙන පළමු තරගය ලෙසයි.

මේ වන විට පාකිස්ථානය සහ බංගලාදේශය අතර එක්දින තරග 39ක් පවත්වා තිබෙනවා.

එහිදී තරග 34කම ජයග්‍රහණය වාර්තා කර තිබෙන්නේ පාකිස්ථාන කණ්ඩායම විසින්.

පාකිස්ථානයට එරෙහිව බංගලාදේශ කණ්ඩායම ජයග්‍රහණය කිරීමට හැකි වී තිබෙන්නේ තරග 5ක් පමණයි.



රාවල්පින්ඩි ක්‍රීඩාංගනයේදී මෙම කණ්ඩායම් එක් එක්දින තරගයක් ක්‍රීඩා කර තිබෙනවා.

ඒ 2003 වසරේදීයි.

එහිදී පාකිස්ථාන කණ්ඩායම විසින් බංගලාදේශ කණ්ඩායම පරාජයට පත්කළා.

එමෙන්ම මෙතෙක් බංගලාදේශ කණ්ඩායමට පාකිස්ථානයේදී පාකිස්ථාන කණ්ඩායම පරාජයට පත් කිරීමට නොහැකි වී තිබෙනවා.

දෙරට අතර පාකිස්තානයේදි පැවැත්වූ තරග 12ම ජයග්‍රහණය කර තිබෙන්නේ පාකිස්ථාන කණ්ඩායමයි.





(crictimes.lk)