සත්කාරක නවසීලන්ත කණ්ඩායමට එරෙහිව පැවති අවසන් T20 තරගය ලකුණු 7කින් ජයග්‍රහණය කිරීමට සංචාරක ශ්‍රී ලංකා කණ්ඩායම සමත්වුණා.

තරගයේ කාසියේ වාසිය ජයග්‍රහණය කළ නවසීලන්තය පළමුව පන්දු යැවීමට තීරණය කළා.

ඒ අනුව තරගයේ පළමු ඉනිම ක්‍රීඩා කළ ශ්‍රී ලංකා කණ්ඩායම නියමිත පන්දුවාර 20 අවසානයේ කඩුලු 5ක් දැවී ලකුණු 218ක දැවැන්ත ලකුණු පුවරුවක් නිර්මාණය කිරීමට සමත්වුණා.

එහිදී කුසල් ජනිත් පෙරේරා වේගවත් ශතකයක් වාර්තා කරමින් ලකුණු 101ක් රැස් කළා.

වසර 13කට පසු ශ්‍රී ලංකාව වෙනුවෙන් T20 ශතකයක් වාර්තා වූ පළමු අවස්තාව මෙයයි.

එමෙන්ම කුසල් පෙරේරා වාර්තා අතරට එක් වුණේ ශ්‍රී ලංකාව වෙනුවෙන් T20 ශතකයක් වාර්තා කළ 3වන ක්‍රීඩකය ලෙසයි.

ලකුණු 219ක දැවැන්ත ඉලක්කයක් හඹා ගිය නවසීලන්ත කණ්ඩායමට නියමිත පන්දුවාර 20 අවසානයේ කඩුලු 7ක් දැවී රැස්කර ගැනීමට හැකි වුණේ ලකුණු 211ක් පමණයි.

කෙසේ වෙතත් දෙරට අතර පැවති T20 තරගාවලිය තරග 2 - 1ක් ලෙස නවසීලන්තය ජයග්‍රහණය කළා.


(crictimes.lk)