සංචාරක එංගලන්තයට එරෙහිව පැවැත්වන T20 තරගාවලියේ ජය තමන් සතු කර ගැනීමට සත්කාරක ඉන්දීය කණ්ඩායම ඊයේ (31) සමත්වුණා.

ඒ දෙරට අතර පැවති සිව්වන තරගය ඉන්දියාව ලකුණු 15කින් ජයග්‍රහණය කිරීමත් සමඟයි.

මෙම තරගයේ පළමු ඉනිම ක්‍රීඩා කළ ඉන්දීය කණ්ඩායම කඩුලු 9ක් දැවී ලකුණු 181ක් රැස් කළා.

එහිදී ශිවම් ඩුබේ සහ හර්දික් පාණ්ඩ්‍යා ලකුණු 53 බැගින් රැස් කිරීමට සමත්වුණා.

පිළිතුරු ඉනිම ක්‍රීඩා කළ එංගලන්ත කණ්ඩායමට පන්දුවාර 19යි පන්දු 4ක් අවසානයේ සියලුදෙනා දැවී රැස් කර ගැනීමට හැකි වුණේ ලකුණු 166ක් පමණයි.

පන්දු යැවීමේදී හර්ශිට් රනා සහ රවී බිෂ්නෝයි කඩුලු 3 බැගින් ලබා ගත්තා.

ඒ අනුව දෙරට අතර පැවැත්වෙන තරග 5කින් තමන්විත T20 තරගාවලියේ ජය එක් තරගයක් ඉතිරිව තිබියදීම තමන් සතු කර ගැනීමට ඉන්දියාවට හැකිවුණා.

(crictimes.lk)