ශ්‍රී ලංකා කණ්ඩායම සහ ඕස්ට්‍රේලියා කණ්ඩායම අතර තරග 2කින් සමන්විත ටෙස්ට් තරගාවලියක් සහ එක්දින තරගයක් පැවැත්වීමට නියමිත බව ශ්‍රී ලංකා ක්‍රිකට් ආයතනය අද (01) නිවේදනය කළා.

එම ආයතනය සඳහන් කළේ එම ටෙස්ට් තරග දෙක ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වෙන බවයි.

ඒ අනුව එහි පළමු තරගය ජනවාරි 29වනදා සිට පෙබරවාරි 02වනදා දක්වාත් දෙවන ටෙස්ත් තරගය පෙබරවාරි 06වනදා සිට 10 වනදා දක්වාත් පැවැත්වීමට නියමිතව තිබෙනවා.

ශ්‍රී ලංකා ක්‍රිකට් ආයතනය සඳහන් කළේ දෙරට අතර පැවැත්වෙන එක්දින තරගය දිවා රාත්‍රී තරගයක් ලෙස හන්බන්තොට මහින්ද රාජපක්ෂ ක්‍රීඩාංගණයේදී පැවැත්වෙන බවයි.

(crictimes.lk)