සත්කාරක ශ්‍රී ලංකා කණ්ඩායමට එරෙහිව පැවති ටෙස්ට් තරගාවලිය තරග 2 - 0ක් ලෙස ජයග්‍රහණය කිරීමට ඕස්ට්‍රේලියා කණ්ඩායම අද (09) සමත් වුණා.

ඒ දෙරට අතර පැවති දෙවන ටෙස්ට් තරගය කඩුලු 9කින් ජයග්‍රහණය කිරීමත් සමඟයි.

මෙම තරගයේ පළමුව පන්දුවට පහර දුන් ශ්‍රී ලංකා කණ්ඩායම සියලු දෙනා දැවී ලකුණු 257ක් රැස් කළා.

පිළිතුර ලෙස ඕස්ට්‍රේලියා කණ්ඩායම සිය පළමු ඉනිම සඳහා ලකුණු 414ක ලකුණු පුවරුවක් නිර්මාණය කිරීමට සමත් වුණා

කෙසේ වෙතත් ශ්‍රී ලංකා කණ්ඩායමට සිය දෙවන ඉනිම සඳහා රැස්කර ගැනීමට හැකි වුණේ ලකුණු 231ක් පමණයි.

ඒ අනුව මෙම තරගය ජයග්‍රහණය වෙනුවෙන් සංචාරක ඔස්ට්‍රේලියා කණ්ඩායමට ලකුණු 75ක පහසුව ඉලක්කයක් හිමිවුණා.

එම ඉලක්කය හඹා ගිය ඕස්ට්‍රේලියා කණ්ඩායම එක් කඩුවක් පමණක් දැවී සිටියදී තරගයේ ජය තමන් සතු කරගත්තා.

(crictimes.lk)