පාකිස්ථාන කණ්ඩායමට එරෙහිව පැවති දෙවන ටෙස්ට් තරගය ලකුණු 120කින් ජයග්‍රහණය කිරීමට බටහිර ඉන්දීය කොදෙව් කණ්ඩායම අද (27) සමත්වුණා.

කොදෙව් කණ්ඩායම පාකිස්තානයට එරෙහිව පාකිස්ථානයේදී ටෙස්ට් තරග ජයග්‍රහණයක් ලබා ගත්තේ වසර 34කට පසුවයි.

මෙම තරගයේ පළමු ඉනිම ක්‍රීඩා කළ කොදෙව් කණ්ඩායම සියලුදෙනා දැවී ලකුණු 163ක් රැස් කළා.

අනතුරුව සිය පළමු ඉනිම ක්‍රීඩා කළ සත්කාරක පාකිස්ථාන කණ්ඩායමට සියලුදෙනා දැවී රැස්කර ගැනීමට හැකි වුණේ ලකුණු 154ක් පමණයි.

කොදේ කණ්ඩායම සිය දෙවන ඉනිමේදී ලකුණු 244ක් රැස් කර ගත්තේ තරගයේ ජයග්‍රහණය වෙනුවෙන් පාකිස්ථානයට ලකුණු 254ක ඉලක්කයක් ලබාදෙමින්.  

කෙසේ වෙතත් එම ඉලක්කය හඹා ගිය පාකිස්ථාන කණ්ඩායමට සියලුදෙනා දැවී රැස් කරගැනීමට හැකි වුණේ ලකුණු 133ක් පමණයි.

මේ අනුව දෙරට අතර පැවැත්වෙන තරග 2කින් සමන්විත ටෙස්ට් තරගාවලිය තරග 1ට 1ක් ලෙස ජයපරාජයෙන් තොරව අවසන් වුණා.