දඟ පන්දු යවන ක්‍රීඩකයන් වන ෂේන් වෝන් සහ මුත්තයියා මුරලිදරන්ගේ රූප ඇතුළත් විශේෂ උරුම පුවරුවක් ගාල්ල ජාත්‍යන්තර ක්‍රිකට් ක්‍රීඩාංගනයේ දොරටුවේ තබා තිබෙනවා.

ක්‍රිකට් ඉතිහාසයේ ශ්‍රේෂ්ඨතම දඟ පන්දු යවන්නන් දෙදෙනාගේ අසාමාන්‍ය ජයග්‍රහණවලට ගෞරව කිරීම සඳහා මෙය සිදු කර ඇති බවයි වාර්තා වන්නේ.

රසිකයන්ට ඔවුන්ගේ අත්සන් පුවරුවේ එකතු කිරීමෙන් උපහාර දැක්වීමට ඉඩ සලසා තිබෙනවා.

ශ්‍රී ලංකාව සහ ඔස්ට්‍රේලියාව අතර පැවැත්වෙන ටෙස්ට් තරගාවලිය සඳහා ජාත්‍යන්තර විස්තර විචාරකයෙක් ලෙස දැනට සේවය කරන හිටපු ශ්‍රී ලංකා තුන් ඉරියව් ක්‍රීඩක ෆර්වීස් මහරුෆ් එම පුවරුවේ අත්සන තැබූ පළමු පුද්ගලයා බවට පත්වුණා.

(crictimes.lk)