සංචාරක ඕස්ට්‍රේලියා කණ්ඩායම සහ ශ්‍රී ලංකා කණ්ඩායම අතර පැවති පළමු එක්දින තරගය ලකුණු 49කින් ජයග්‍රහණය කිරීමට ශ්‍රී ලංකා කණ්ඩායම සමත්වුණා.

මෙම තරගය පැවැත්වුණේ කොළඹ ආර් ප්‍රේමදාස ක්‍රිකට් ක්‍රීඩාංගණයේදීයි.

එහි කාසියේ  වාසිය ජයග්‍රහණය කළ ශ්‍රී ලංකා කණ්ඩායම පළමුව පන්දුවට පහරදීමට තීරණය කළා.

ඒ අනුව තරගයේ පළමු ඉනිම ක්‍රීඩා කළ ශ්‍රී ලංකා කණ්ඩායම පන්දුවාර 46ක් අවසානයේ සියලුදෙනා දැවී ලකුණු 214ක් රැස් කරගත්තා.

එහිදී ශ්‍රී ලංකා කණ්ඩායම වෙනුවෙන් නායක චරිත් අසලංක ශතකයක් වාර්තා කරමින් ලකුණු 127ක් රැස් කළා.

එය ඔහුගේ 4වන එක්දින ශතකය ලෙස වාර්තා අතරට එක්වුණා.

පිළිතුරු ඉනිම ක්‍රීඩා කළ ඕස්ට්‍රේලියා කණ්ඩායමට පන්දුවාර 33යි පන්දු 05ක් අවසානයේ සියලුදෙනා දැවී රැස් කරගැනීමට හැකි වුණේ ලකුණු 165ක් පමණයි.

ඒ අනුව දෙරට අතර පැවැත්වෙන තරග 2කින් සමන්විත එක්දින තරගාවලියේ පෙරමුණ තරග 1 - 0ක් ලෙස ශ්‍රී ලංකාව ලබාගෙන සිටිනවා.

මෙම තරගයේ සමස්ත ලකුණු පුවරුව ලබා ගැනීමට පහත Link එකෙන් පිවිසෙන්න.

https://www.facebook.com/share/p/1FYJNQryt1/

(crictimes.lk)