2025 වසරේ පැවැත්වීමට නියමිත ICC ලෝක ටෙස්ට් ශූරතාවලියේ අවසන් මහා තරගයට මේ වන විට දකුණු අප්‍රිකා කණ්ඩායම සුදුසුකම් ලබා තිබෙනවා.

එම අවසන් මහා තරගයට සුදුසු ලබන අනෙක් කණ්ඩායම බවට පත්වීමට මේ වන විට තරගයක් නිර්මාණය වී තිබෙන්නේ ඕස්ට්‍රේලියාව, ඉන්දියාව සහ ශ්‍රී ලංකාව යන කණ්ඩායම් අතරයි.

ඒ අනුව ශ්‍රී ලංකා කණ්ඩායම එහි අවසන් මහා තරගයට සුදුසුම් ලබා ගැනීමට නම් ඔවුන් ඕස්ට්‍රේලියාවට එරෙහිව ක්‍රීඩා කිරීමට නියමිත තරග 2ම ජයග්‍රහණය කළ යුතුයි.

එමෙන්ම ඉන්දියාව සහ ඕස්ට්‍රේලියාව අතර පැවැත්වෙන ටෙස්ට් තරගයද ජය පරාජයෙන් තොරව අවසන් විය යුතු වනවා

ඕස්ට්‍රේලියා කණ්ඩායමට ICC ලෝක ටෙස්ට් ශූරතාවලියේ අවසන් මහා තරගයේ සිය ස්ථානයේ තහවුරු කර ගැනීමට අවශ්‍ය නම් එම ශූරතාවලිය යටතේ ඔවුන් ක්‍රීඩා කරන එක් තරගයක් ජයග්‍රහණය කළ යුතුයි.

ඉන්දියාවට එරෙහිව එක් ටෙස්ට් තරගයක් සහ ශ්‍රී ලංකාවට එරෙහිව ටෙස්ට් තරග 2ක් ඔවුන්ට ක්‍රීඩා කිරීමට ඉතිරිව තිබෙනවා.

ඉන්දීය කණ්ඩායමට එහි අවසන් මහා තරගයට සුදුසුකම් ලබා ගැනීමට නම් ඕස්ට්‍රේලියාව සමඟ පැවැත්වෙන ටෙස්ට් තරගය  අනිවාර්යෙන් ජයග්‍රහණය කළ යුතුයි.

එමෙන්ම ශ්‍රී ලංකාව සහ ඕස්ට්‍රේලියාව අතර පැවැත්වෙන ටෙස්ට් තරග 2 ශ්‍රී ලංකාව ජයග්‍රහණය කළ හෝ එය ජය පරාජයෙන් තොරව අවසන් විය යුතු වනවා.
 
(crictimes.lk)