05 April 2025


ස්මිත් - මුෂ්ෆිකර් එක්දින පිටියේ දක්වපු සුපිරි දස්කම්



ඕස්ට්‍රේලියාවේ ස්ටීව් ස්මිත් සහ බංගලාදේශයේ මුෂ්ෆිකර් රහීම් එක්දින පිටියෙන් මේ වන විට සමුගෙන තිබෙනවා.

ස්මිත් එක්දින පිටියෙන් සමු ගන්නා විට තරග 170කට ක්‍රීඩා කරමින් රැස් කරගෙන ඇති ලකුණු සංඛ්‍යාව 5,800ක්.

එමෙන්ම ඔහු එහිදී ශතක 12ක් සහ අර්ධ ශතක 35ක් රැස් කරගෙන තිබෙනවා.

මෙම තරගවලදී ඔහු දවාගෙන ඇති කඩුලු සංඛ්‍යාව 28ක්.

ඔහුගේ හොඳම එක්දින ඉනිම ලකුණු 164ක් වන අතර ඔහු පිතිකරණ ඉනිමක සාමාන්‍ය 43.28ක් ලෙස පවත්වාගෙන තිබෙනවා.

එමෙන්ම ඔහු එක්දින පිටියේදී උඩ පන්දු 90ක් ලබගෙන ඇති බවයි වාර්තා වන්නේ.



මේ අතර බංගලාදේශය වෙනුවෙන් වැඩිම එක්දින තරග සංඛ්‍යාක් ක්‍රීඩා කර තිබෙන මුෂ්ෆිකර් රහීම් එක්දින පිටියෙන් සමු ගන්නා බව ඊයේ නිවේදනය කළා.

ඒ අනුව ඔහු එක්දින පිටියෙන් සමු ගන්නා විට තරග 274ක් ක්‍රීඩා කර තිබෙනවා.

එහිදී ඔහු 36.42ක පිතිකරණ ඉනිමක සාමාන්‍යක් ලබා ගනිමින් රැස් කරගෙන ඇති ලකුණු සංඛ්‍යාව 7795ක්.

 එහිදී ඔහු ශතක 9ක් සහ අර්ධ ශතක 49ක් රැස් කරගෙන ඇති බවයි වාර්තා වන්නේ.

ඔහු කඩුලු රකින්නෙක් ලෙස ස්ටප්ස් කිරීම් 56ක් සිදු කර තිබෙනවා.



(crictimes.lk)