බංගලාදේශ තුන් ඉරියව් ක්‍රීඩක ෂකිබ් අල් හසන් දෙවන වරටත් ඔහුගේ පන්දු යැවීමේ ඉරියව්ව පිළිබඳ පරීක්ෂණයකින් අසමත් වී තිබෙනවා.

ඔහුගේ පන්දු යැවීමේ ඉරියව්ව නීතිවිරෝධී බවට පසුගිය දෙසැම්බර් මාසයේදී හඳුනාගත්තා.

ඒ අනුව ඔහු එය නිවැරදි කරගන්නා තෙක් ඔහුට බංගලාදේශයේ පැවැත්වෙන දේශීය තරගවල හැර අනෙක් සියලු තරගවලදී සහ ජාත්‍යන්තර තරගවලදී පන්දු යැවීම තහනම් කර තිබෙනවා.

මේ සම්බන්ධයෙන් පසුගියදා පැවති පරීක්ෂණය ඔහු අසමත් වීමත් සමඟ ඔහුට පනවා ඇති තහනම තවදුරටත් ක්‍රියාත්මක බවයි වාර්තා වන්නේ.

කෙසේ වෙතත් ෂකිබ්ට දේශීය හා ජාත්‍යන්තර ක්‍රිකට් ක්‍රීඩාවේ සියලු ආකාරවල පිතිකරුවෙක් ලෙස ක්‍රීඩා කිරීමට හැකියාව තිබෙනවා.

(crictimes.lk)