2025 ශූරයන්ගේ කුසලාන ක්‍රිකට් තරගාවලියේ පාකිස්ථාන කණ්ඩායම සහ ඉන්දීය කණ්ඩායම අතර තරගය ඊයේ (23) පැවැත්වුණා.

ඒ ඩුබායි ජාත්‍යන්තර ක්‍රිකට් කවුන්සිලයේදීයි.

එහිදී ඉන්දීය කණ්ඩායම එම තරග කඩුලු 6කින් ජයග්‍රහණය කළා.

තරගයේ පළමු ඉනිම ක්‍රීඩා කළ පාකිස්ථාන කණ්ඩායමට පනුවාර 49යි පන්දු 4ක් අවසානයේ සියලුදෙනා දැවී රැස් කර ගැනීමට හැකි වුණේ ලකුණු 241ක් පමණයි.

පිළිතුරු ඉනිම ක්‍රීඩා කළ ඉන්දීය කණ්ඩායම පන්දුවාර 42යි පන්දු 3ක් අවසානයේ කඩුලු 4ක් පමණක් දැවි සිටියදී තරගය ජයග්‍රහණ කළා.

එහිදී විරාත් කෝලි සිය එක්දින ජාත්‍යන්තර පිටියේ 51වන ශතකය වාර්තා කිරීමට සමත්වුණා.

මේ අතර ඔහු ජාත්‍යන්තර එක්දින ලකුණු 14,000 සීමාව පසුකළා.

මීට පෙර එම කඩයිම පසු කර තිබුණේ ඉන්දියාවේ සචින් තෙන්ඩුල්කාර් සහ ශ්‍රී ලංකාවේ කුමාර් සංගක්කාර පමණයි.

එමෙන්ම කෝලිමෙම කඩයිම වේගයෙන්ම පසුකළ ක්‍රීඩකයා ලෙසද වාර්තා අතරට එක්වුණා.

ඒ සඳහා ඔහු ඉනිම් 287ක් වැය කර තිබෙනවා.



(crictimes.lk)