සංචාරක ශ්‍රී ලංකා කණ්ඩායමට එරෙහිව පැවැත්වෙන T20 තරගාවලිය එක් තරගයක් ඉතිරිව තිබියදීම ජයග්‍රහණය කිරීමට නවසීලන්ත කණ්ඩායම සමත් වුණා.

ඒ දෙරට අතර පැවැති 2වන T20 තරගය ලකුණු 45කින් ජයග්‍රහණය කිරීමත් සමඟයි.

මෙම තරගයේ කාසියේ වාසිය ජයග්‍රහණය කළ ශ්‍රී ලංකාව පළමුව පන්දු යැවීමට තීරණය කළා.

ඒ අනුව තරගයේ පළමු ඉනිම ක්‍රීඩා කළ නවසීලන්තය නියමිත පන්දුවාර 20 අවසානයේ කඩුලු 5ක් දැවී ලකුණු 186ක් රැස් කර ගැනීමට සමත් වුණා.

ලකුණු 187ක දැවැන්ත ඉලක්කයක් හඹා ගිය ශ්‍රී ලංකා කණ්ඩායමට පන්දුවාර 19යි එක් පන්දුවක් අවසානයේ සියලු දෙනා දැවී රැස් කර ගැනීමට හැකි වුණේ ලකුණු 141ක් පමණයි.

මෙම තරගයේදී ශ්‍රී ලංකා කණ්ඩායමේ අවසන් කඩුලු 7 ලකුණු 14ක් තුළ බිඳ වැටුණා.

ඒ අනුව මේ වන විට නවසීලන්තය මෙම තරගාවලිය තරග 2 - 0ක් ලෙස මේ වන විටත් ජයග්‍රහණය කර අවසන්.

(crictimes.lk)