05 April 2025


SL Vs NZ - දෙවන එක්දින තරගය ඇරඹෙන වේලාව මෙන්න



සංචාරක ශ්‍රී ලංකා කණ්ඩායම සහ නවසීලන්ත කණ්ඩායම අතර පැවැත්වෙන දෙවන එක්දින තරගය අද (08) පැවැත්වීමට නියමිතව තිබෙනවා.

ඒ නවසීලන්තයේ හැමිල්ටන්හි සෙඩොන් පාර්ක් ක්‍රිකට් ක්‍රීඩාංගණයේදීයි.

මෙම තරගය මෙරට වේලාවෙන් පෙරවරු 6.30ට ආරම්භ වීමට නියමිතව තිබූ අතර පැවති අයහපත් කාලගුණය හේතුවෙන් එය නියමිත වෙලාවට ආරම්භ කිරීමට නොහැකි වුණා.

මේ වන විට පැවති අයහපත් කාලගුණික තත්ත්වය යහපත් අතට පත්ව ඇති බවයි වාර්තා වන්නේ.

ඒ අනුව මෙම තරගයේ කාසියේ වාසිය මෙරට වේලාවෙන් පෙරවරු 8.30ට උරගා බැලීමට නියමිතයි.

එමෙන්ම තරගය මෙරට වේලාවෙන් පෙරවරු 9.00ට ආරම්භ වීමට නියමිතව තිබෙනවා.

මෙම තරගය පන්දුවාර 37කට සීමා වී ඇති බවයි වාර්තා වන්නේ.

(crictimes.lk)