සංචාරක ඕස්ට්‍රේලියා කණ්ඩායමට එරෙහිව පැවැත්වෙන දෙවන ටෙස්ට් ක්‍රිකට් තරගය අද (06) ආරම්භ වනවා.

ඒ ගාල්ල ජාත්‍යන්තර ක්‍රිකට් ක්‍රීඩාංගනයේදීයි.

මෙම ටෙස්ට් තරගයෙන් අනතුරුව හිටපු ටෙස්ට් නායකව දිමුත් කරුණාරත්න ක්‍රිකට් පිටියෙන් සමු ගැනීමට තීරණය කර තිබෙනවා.

ඔහුගේ සිය වන ටෙස්ට් ක්‍රිකට් තරගය මෙය වීමද විශේෂත්වයක්.

ශ්‍රී ලංකාව වෙනුවෙන් ටෙස්ට් තරග 100ක් ක්‍රීඩා කර ඇති 7වන ක්‍රීඩකයා ලෙස ඔහු වර්තා අතරට එක්වීමට නියමිතයි.

මෙම තරගයේදී ශ්‍රී ලංකා කණ්ඩායම සමඟ පැතුම් නිස්සංක එක්වීමට නියමිත බවයි වාර්තා වන්නේ

ඔහු ආබාධයකට ලක්වීම හේතුවෙන් දෙරට අතර පැවති පළමු ටෙස්ට් තරඟය අහිමි වුණා.

මෙහිදී ශ්‍රී ලංකා කණ්ඩායමේ නායකත්වය සුපුරුදු පරිදි ධනංජය සිල්වාට සහ ඕස්ට්‍රේලියා කණ්ඩායමේ නායකත්වය ස්ටීවන් ස්මිත්ට හිමි වී තිබෙනවා.

(crictimes.lk)