සංචාරක ඕස්ට්‍රේලියා කණ්ඩායම සහ ශ්‍රී ලංකා කණ්ඩායම අතර පැවැත්වෙන පළමු ටෙස්ට් ක්‍රිකට් තරගයේ තෙවන දිනය අද (31) පෙරවරු 10.00ට ආරම්භ කිරීමට නියමිතව තිබෙනවා.

ඒ ගාල්ල ජාත්‍යන්තර ක්‍රිකට් ක්‍රීඩාංගනයේදීයි.

දෙවන දිනය සඳහා ඊයේ (30) තරගය නතර කරන විට සිය පළමු ඉනිම ක්‍රීඩා කරන ශ්‍රී ලංකා කණ්ඩායම කඩුලු 3ක් දැවී ලකුණු 44ක් රැස් කරගෙන සිටියා.

තරගයේ කාසිය වාසිය ජයග්‍රහණය කළ ඕස්ට්‍රේලියා කණ්ඩායම තීරණය කළේ පළමුව පන්දුවට පහර දීමටයි.

ඒ අනුව ඔවුන් සිය පළමු ඉනිම සඳහා කඩුලු 6ක් දැවී ලකුණු 654ක් රැස් කරගෙන සිටියදී සිය පළමු ඉනිම අත්හිටුවීමට තීරණය කළා.

මේ වන විට ඕස්ට්‍රේලියා පළමු ඉනිමට වඩා ශ්‍රී ලංකාව ලකුණු 610ක් පිටුපසින් සිටිනවා.

(crictimes.lk)