සංචාරක ඕස්ට්‍රේලියා කණ්ඩායම සහ ශ්‍රී ලංකා කණ්ඩායම අතර පැවැත්වෙන පළමු ටෙස්ට් තරගයේ දින 2ක් මේ වන විට ඉතිරිව තිබෙනවා.

මෙම තරගය පැවැත්වෙන්නේ ගාල්ල ජාත්‍යන්තර ක්‍රීඩාංගනයේදීයි.

එහිදී ශ්‍රී ලංකා කණ්ඩායම මේ වන විට දැඩි අසීරු තත්ත්වයකට ඇදවැටී තිබෙනවා.

ඒ සිය පළමු ඉනිමේ කඩුලු 5ක් ලකුණු 136ක් තුළ බිඳ වැටීම හේතුවෙන්.

තරගයේ පළමු ඉනිම ක්‍රීඩා කළ ඔස්ට්‍රේලියාව කඩුලු 6ක් දැවී ලකුණු 654ක් රැස් කරගෙන සිටියදී ඉනිම අත්හිටුවීමට තීරණය කළා.

ඒ අනුව මෙම තරගය ජය පරාජයෙන් තොරව අවසන් කිරීමට වර්ෂාව විශේෂ සාධකයක් බවට පත්වී තිබෙනවා.

ගාල්ලේ කාලගුණය හෙට (31) තරමක් හිරු එළිය, වලාකුළු ආවරණය වැඩි වීම සහ දහවල් කාලයේදී යම් වර්ෂාවක් පැවතීම අපේක්ෂා කරන බවයි වාර්තා වන්නේ.

කෙසේ වෙතත් අනිද්දා (02) ප්‍රධාන වර්ෂාවක් අපේක්ෂා නොකරන බවත් එදින වැසි ඇතිවීමේ සම්භාවිතාව 20%ට වඩා අඩු බවත් සඳහන් වනවා.