සංචාරක ඕස්ට්‍රේලියා කණ්ඩායම සහ ශ්‍රී ලංකා කණ්ඩායම අතර පැවැත්වෙන දෙවන ටෙස්ට් තරගයේ තෙවන දිනය අද (08) පෙරවරු 10.00ට ආරම්භ වීමට නියමිතව තිබෙනවා.

ඒ ගාල්ල ජාත්‍යන්තර ක්‍රිකට් ක්‍රීඩාංගනයේදීයි.

දෙවන දිනය සඳහා ඊයේ තරගය නතර කරන විට සිය පළමු ඉනිම ක්‍රීඩා කරන ඕස්ට්‍රේලියා කණ්ඩායම කඩුලු 3ක් පමණක් දැවී ලකුණු 330ක් රැස් කරගෙන සිටියා.

එහිදී Alex Carey ලකුණු 139ක් සහ Steven Smith ලකුණු 120ක් නොදැවී රැස් කළා.



තරගයේ පළමු ඉනිම ක්‍රීඩා කළ ශ්‍රී ලංකා කණ්ඩායමට සියලුදෙනා දැවී රැස් කර ගැනීමට හැකි වුණේ ලකුණු 257ක් පමණයි.

ඒ අනුව ශ්‍රී ලංකා පළමු ඉනිමට වඩා මේ වන විට ඕස්ට්‍රේලියා කණ්ඩායම ලකුණු 73ක් ඉදිරියෙන් සිටිනවා.

(crictimes.lk)