2025 ශූරයන්ගේ කුසලාන ක්‍රිකට් තරගාවලියේ දෙවන තරගය ඊයේ (20) පැවැත්වුණා.

ඒ ඉන්දීය කණ්ඩායම සහ බංගලාදේශ කණ්ඩායම අතරයි

තරගයේ පළමුව පන්දුවට පහරදුන් බංගලාදේශ කණ්ඩායම පන්දුවාර 49යි පන්දු 4ක් අවසානයේ සියලුදෙනා දැවී ලකුණු 228ක් රැස් කළා.

එහිදී ඉන්දීය කණ්ඩායම වෙනුවෙන් කඩුලු ත්‍රිත්වයක් වාර්තා කිරීමට තිබූ අවස්ථාව අක්සාර් පටෙල් හට අහිමි වුණා.

ඒ රෝහිත් ශර්මාගේ දුර්වල පන්දු රැකීම හේතුවෙන්.

අක්සාර් පිට පිට කඩුලු 2ක් දවා ගත්තා.

අනතුරුව ඔහුට කඩුලු ත්‍රිත්වය සම්පූර්ණ කිරීමට යොමු කළ පන්දුව පිතිකරුගේ පිත්තේ වැදී ස්ලිප් ක්‍රීඩක රෝහිත් ශර්මා වෙත පහසු උඩ පන්දුවක් ලෙස ඇදී ගියා.

කෙසේ වෙතත් එම උඩ පන්දුව ඔහුගේ අතින් ගිලිහී ගියේ අක්සාර්ට කඩුලු ත්‍රිත්වයක් වාර්තා කිරීමට තිබූ අවස්ථාව අහිමි කරමින්.

කෙසේ වෙතත් පිළිතුරු ඉනිම ක්‍රීඩා කළ ඉන්දීය කණ්ඩායම පන්දුවාර 46යි පන්දු 3ක් අවසානයේ කඩුලු 4ක් පමණක් දැවී ජයග්‍රාහී ඉලක්කය පසු කළා.

(sristimes.lk)