1975 වසරේ සිට ජාත්‍යන්තර ක්‍රිකට් කවුන්සිලය විසින් මෙතෙක් එක්දින ලෝක කුසලාන, T20 ලෝක කුසලාන සහ ශූරයන්ගේ කුසලාන තරගාවලි 30ක් පවත්වා තිබෙනවා.

එයට එක්දින ලෝක කුසලාන 13ක් ඇතුළත් සහ T20 ලෝක කුසලාන 9ක් ඇතුළත්.

එමෙන්ම හෙට (19) ආරම්භ වන ශූරයන්ගේ කුසලානය නොමැතිව මේ දක්වා ICCය ශූරයන්ගේ කුසලාන 8ක් පවත්වා තිබෙනවා.

මෙම සියලු තරගාවලිවලට ශ්‍රී ලංකා කණ්ඩායම ක්‍රීඩා කර තිබෙනවා.

එහිදී ඔවුන් 1996 වසරේදී එක්දින ලෝක කුසාලනයක්, 2002 වසරේදී ශූරයන්ගේ කුසලානයක් සහ 2014 වසරේදී T20 ලෝක කුසලානයක් ජයග්‍රහණය කළා.

කෙසේ වෙතත් හෙටින් ආරම්භ වන ශූරයන්ගේ කුසලානය සඳහා ඔවුන්ට සුදුසුකම් ලබා ගැනීමට නොහැකි වුණා.

ඒ අනුව මෙම ශූරයන්ගේ කුසලානය වාර්තා අතරට එක්වන්නේ ශ්‍රී ලංකා කණ්ඩායම ක්‍රීඩා නොකරන ක්‍රිකට් ඉතිහාසයේ පළමු ICC තරගාවලිය ලෙසයි.



(crictimes.lk)